USER TUTORIAL FOR ONLINE SUBMISSION OF MONTHLY RECONCILIATION STATEMENTS THROUGH KSEMP

 

കെ.എസ്.ഇ.എം പോർട്ടൽ വഴിയുള്ള പ്രതിമാസ അക്കൗണ്ടുകളുടെ ഓൺലൈൻ റീകൺസിലിയേഷൻ

Site URL : ksemp.agker.cag.gov.in

ജി.ഒ. (പി) നമ്പർ 19/2021/ഫിൻ തീയതി: 04.02.2021 പ്രകാരം, കേരളത്തിലെ അക്കൗണ്ടന്റ് ജനറൽ (എ & ഇ) 01.04.2021 മുതൽ കെ.എസ്.ഇ.എം പോർട്ടൽ വഴി പ്രതിമാസ സിവിൽ അക്കൗണ്ടുകളുടെ ഓൺലൈൻ റീകൺസിലേഷൻ നടപടിക്രമങ്ങൾ ആരംഭിച്ചിരുന്നു. ഡി.ഡി.ഒമാർ മിക്കവരും അവരുടെ ഉപയോക്തൃ ഐഡിയും പാസ്‌വേഡും ഉപയോഗിച്ച് ലോഗിൻ ചെയ്യുകയും 2021 ഏപ്രിൽ മുതൽ ഓൺലൈൻ റീകൺസിലേഷൻ നടത്തുകയും ചെയ്യുന്നു.

റീകൺസിലേഷൻ ചെയ്ത ഡാറ്റ അക്കൗണ്ടന്റ് ജനറൽ ഓഫീസിലേക്ക് കൈമാറുന്നതിനായി അതത് കൺട്രോളിംഗ് ഓഫീസർമാർക്ക് കൈമാറാവുന്നതാണ്.

ഡി.ഡി.ഒമാർ കെ.എസ്.ഇ.എം പോർട്ടലിൽ ലോഗിൻ സൃഷ്ടിച്ചിട്ടില്ലെങ്കിൽ അവർ ആദ്യം ലോഗിൻ സൃഷ്ടിക്കണം

സ്റ്റെപ്പ് 1: പാസ്‌വേഡ് നിർമ്മിക്കൽ (Create Password)

കെഎസ്ഇഎം പോർട്ടലിൽ ഡിഡിഒമാർക്കായി ലോഗിൻ ഐഡി സൃഷ്ടിക്കൽ

ഡിഡിഒമാർക്കായി ലോഗിൻ ഐഡി സൃഷ്ടിക്കുന്നതിന് https://ksemp.agker.cag.gov.in/Login എന്ന വെബ്സൈറ്റ് സന്ദർശിക്കുക

താഴെ കാണിച്ചിരിക്കുന്നതുപോലെ ഒരു പേജ് പ്രദർശിപ്പിക്കും

* KSEMP പോർട്ടലിൽ ആദ്യമായി ലോഗിൻ ചെയ്യുന്ന DDO-മാർ Create/Forgot Password എന്ന ലിങ്കിൽ ക്ലിക്ക് ചെയ്യുക.

 * User Type തിരഞ്ഞെടുത്ത് DDO code (User ID ആയി), SPARK/BIMS-ൽ രജിസ്റ്റർ ചെയ്തിട്ടുള്ള നിങ്ങളുടെ മൊബൈൽ നമ്പർ, Email ID എന്നിവ നൽകുക.

 * CAPTCHA എന്റർ ചെയ്ത് Submit ചെയ്യുമ്പോൾ പുതിയ പാസ്‌വേഡ് നിങ്ങളുടെ മൊബൈലിലോ ഇമെയിലിലോ ലഭിക്കുന്നതാണ്.

സ്റ്റെപ്പ് 2: ലോഗിൻ (DDO Login)

 * User Type (DDO/SCO/CCO), User ID (DDO Code), ലഭിച്ച പാസ്‌വേഡ് എന്നിവ നൽകി ലോഗിൻ ചെയ്യ ചെയ്യുക.

 * തുടർന്ന് മൊബൈലിൽ ലഭിക്കുന്ന OTP എന്റർ ചെയ്ത് Dashboard-ൽ പ്രവേശിക്കാം.

 * Main menu-വിലെ VLC ടാബിന് താഴെയുള്ള Expenditure Report തിരഞ്ഞെടുക്കുക.

സ്റ്റെപ്പ് 3: Expenditure Report പരിശോധിക്കൽ

 

Expenditure Report-ൽ പ്രവേശിച്ചാൽ നിങ്ങൾക്ക് 4 ടാബുകൾ കാണാം: Pending List, Approved List, Rejected List, Returned by SCO/CCO.

 * Pending List: നിങ്ങൾക്ക് നടപടി എടുക്കേണ്ട (Action required) റിപ്പോർട്ടുകൾ ഇതിൽ കാണാം.

 * View Report ബട്ടണിൽ ക്ലിക്ക് ചെയ്ത് വൗച്ചർ വിവരങ്ങൾ പരിശോധിക്കുകയോ ഡൗൺലോഡ് ചെയ്യുകയോ ചെയ്യാം.

 * പരിശോധനയ്ക്ക് ശേഷം നിങ്ങൾക്ക് ആ റിപ്പോർട്ട് Accept ചെയ്യുകയോ Reject ചെയ്യുകയോ ചെയ്യാം.

സ്റ്റെപ്പ് 4: റിപ്പോർട്ട് നിരസിക്കൽ (Rejecting a Report)

ഒരു റിപ്പോർട്ട് പൂർണ്ണമായോ ഭാഗികമായോ റിജക്റ്റ് ചെയ്യാൻ സാധിക്കും. ഇതിനായി Reject fully അല്ലെങ്കിൽ Reject partially എന്ന ടാബ് തിരഞ്ഞെടുക്കുക.

 * Reject fully: റിപ്പോർട്ടിലെ മുഴുവൻ ബില്ലുകളും നിങ്ങൾക്ക് ഉള്ളതല്ലെങ്കിലോ, അല്ലെങ്കിൽ അതിലെ മുഴുവൻ ബില്ലുകളും തെറ്റാണെങ്കിലോ ഇത് തിരഞ്ഞെടുക്കാം.

 * Reject partially: ചില ബില്ലുകളിൽ മാത്രം തെറ്റുകൾ ഉണ്ടെങ്കിൽ ഇത് തിരഞ്ഞെടുക്കുക. '+' ബട്ടൺ അമർത്തി തെറ്റുള്ള ബില്ലുകൾ ഓരോന്നായി തിരഞ്ഞെടുത്ത് കാരണങ്ങൾ (remarks) നൽകി Submit ചെയ്യാവുന്നതാണ്.

സ്റ്റെപ്പ് 5: Approved List & Rejected List

 * Approved List: നിങ്ങൾ അംഗീകരിച്ച (Approved) റിപ്പോർട്ടുകൾ ഇതിൽ കാണാം.

 * Rejected List: നിങ്ങൾ റിജക്റ്റ് ചെയ്ത റിപ്പോർട്ടുകളും അതിനായി നിങ്ങൾ നൽകിയ കാരണങ്ങളും (remarks) ഇവിടെ പരിശോധിക്കാം.

സ്റ്റെപ്പ് 6: മടക്കി ലഭിച്ചവ (Returned by SCO/CCO)

 * നിങ്ങൾ SCO-യ്ക്ക് അയച്ച റിപ്പോർട്ടുകളിൽ അവർ എന്തെങ്കിലും തിരുത്തലുകൾ ആവശ്യപ്പെട്ട് മടക്കി അയച്ചിട്ടുണ്ടെങ്കിൽ അത് Returned by SCO/CCO ടാബിൽ കാണാൻ സാധിക്കും.

 * SCO നൽകിയ റിമാർക്കുകൾ പരിശോധിച്ച ശേഷം DDO വീണ്ടും ആ റിപ്പോർട്ട് Accept ചെയ്യുകയോ Reject ചെയ്യുകയോ ചെയ്യേണ്ടതുണ്ട്.